Kennarar

Emilía

Emilía er fædd í Reykjavík 12 nóvember.
Alla tíð hefur hún haft mikinn áhuga á tónlist.
Hún byrjaði ferilinn á fiðlunámi þegar hún var 9 ára gömul og kláraði 3 stig.
Í kringum 14 ára aldurinn fór hún á námskeið hjá söngskóla Maríu Bjarkar.
Þegar hún var 16 ára lærði hún klassískan söng í 1 ár.
 
Árið 2004 var viðburðarríkt hjá Emilíu. Þá tók hún þátt í uppfærslu FB á We Will Rock You og lék og söng þar í aðalhlutverki. Einar Bárðarson kom á æfingu og sá hana þar á sviði og bauð henni að vera með í söngsveit sem hann var að setja saman, hún fékk nafnið Nylon.
2004-2007 var hún í Nylon söngflokknum. Þær fóru meðal annars í tónleikaferð um Bretland og má segja að þær hafi sungið í öllum stæðstu tónleikahöllum Bretlands og hitað upp fyrir stórstjörnum á borð við Westlife, McFly og Girls Aloud.
Hún byrjaði að kenna í söngskólanum 2007.
Emilía starfar sem söngkona ásamt ýmsu öðru.